SAT-kongreso 2015
Loko
La 88-a SAT-kongreso okazos en la urbo Nitra (Slovakio), en la universitata studenthejmo “Antona Bernoláka”.
Kongresurbo
Nitra (legu pli en Vikipedio) estas bela kaj historia urbo, situanta nur 90 km de la ĉefurbo Bratislavo kaj 50 km de Trnava. Distanco de la Viena flughaveno (VIE) al Bratislava estas ĉ. 45 km kaj la distanco de la Budapeŝta flughaveno (BUD) al Nitra estas ĉ. 155 km.
Kongresejo
La partoprenantoj loĝos en dulitaj ĉambroj de la nova studenthejmo, bloko A. Entute estas ĉambroj por 304 personoj. (Se tiuj pleniĝos, estas aldonaj 738 litoj en tuj apudaj blokoj B kaj C). Ĉiu duopo de ĉambroj havas komunan necesejon kaj duŝejon (aldone fridujon en la koridoro). Se vi volas nepre loĝi sola, marku tiun eblon en la aliĝilo (estas krompago por tio, bv. vidi kotizoj).
Rimarko: la ejo proponas ordinarajn studenthejmajn kondiĉojn por tranoktoj. Se vi tamen volas loĝi pli lukse, sciigu al ni viajn dezirojn – ni klopodos vin helpi. Vi povas ankaŭ rekte kontakti iun el la pensionoj aŭ hoteloj de la urbo.
Servoj
- La studenthejmo havas plurajn stud- kaj prelegĉambrojn kaj unu grandan salonon.
- Kafejo kun eblo aĉeti etaĵojn por trinki kaj manĝi (dumtage)
- Libroservo (dumtage)
- Drinkejo kaj gufujo (vespere)
- La studenthejmo havas senpagan sendratan retkonekton.
- TV-ĉambro, kuirejo en ĉiu etaĝo de la studenthejmo
- Pluraj publikaj manĝejoj/trinkejoj (proksime)
- Grandaj vendejaroj (“Mlyny” kaj “Centro Nitra” en tuja apudeco)
- Urbocentro, bela parko, botanika ĝardeno, publika naĝejo (en apudeco)